السلام عليكم ورحمة الله وبركاته
الموضوع باين من عنوانه
في مرة كنت قعده بفتكر مسلسلات الكارتون اللي كنت بشوفها وانا صغيره
وقعدت اقارن بينها وبين مسلسلات دلوقتي , لقيت انه الكارتون النهارده معقد أوي للأطفال
وكله عنف وحروب وغير كدا كمان , متحسش ان للأطفال اصلا
يعني هديكو أمثلة , كان في كارتون زمان كنت بحبه اوي , قصته ان فيه 3 اصحاب
كل يوم يتقابلو ويفكرو هنلعب ايه النهارده , هو ده كل المسلسل وكان هادي موت
وبجد طفولي يعني , وافكار تانيه كتير جميله وبسيطه زي توم اند جيري مثلا
وميكي ماوس والحاجات دي , دلوقتي بقه كلها صراعات وتعقيد
بجد ربنا يستر ع الأجيال اللي جايه , الله يكون في عونهم
وانتو بقه رأيكو ايه ؟؟
هناك 5 تعليقات:
يعنى
ممكن دلوقتى التركيز بقى على دبلجه الحاجات العنيفه
بس فى حاجات لسه مش عنيفه
انا كنت بتفرج على كارتون اسمه
fairly odd parents
بحبه اوى و لحد قريب كان بييجى
و كمان اعتقد ان الجيل الجديد غيرنا خالص
درجه براءتهم تكاد تكون منعدمه
بجد عيال غريبه
موضوع حلو يا موكا
استمرى
3aaaaaaaaaaaa
3ndk 72 ya moka wallahy
ana mosh 3yza ageb 3yal motshreda keda 3aaaaaaaaaa
al 3yal fkdo al bra2h wel tfola
ana sa3at ageb MBC3 keda atfrg al2ay cartoons mfehash ay mot3a we mosh fhma meen drb meen we m3rfsh al 3yal by7bo al 7agagt dy ezay
yalla rbna ystor 3la al agayl al kademaaaaa we modo3at gamda kl3ada 7a mokety (L)
MaGn0liA...
اه لسه فيه حاجات
بس بردو مش زي زمان
وبالنسبه لكارتون فيرلي ده
بردو فيه سحر
والمدرس بتاعهم شرير وبتاع
هو حلو ويضحك فعلا
بس مش عارفه , الروح غير كدا
وشكرا لمرورك يا قمر
_____________________
fwitema
اه يا توته شفتي
يلا , كل جيل وليه ظروفه بقه
شكرا لمروووووورك
بصي انا مدمنه كرتون وكان عندي نفس الملاحظات دي قولتها لواحده صحبتي
ان الكرتون المفروض يكون غرصه لفت انتباه الطفل وانه يكون ممتع ومفييييييييييد يعلمه حاجه جديده
لكن للاسف كله بيدور حوالين فكره صراعات وعنف وفي الاخر بلاقي الطفل اللي خلص فرجه علي الكرتون بيقوم يدور الضرب في اخواته وبيقلد بطل الكرتون
لكن كرتون تاني بيتعمل علي مستوي عالي من المتعه والفكر وينفع الكبار كمان
امثالي طبعا :)
تحياتي
اه بليز شيلي
تأكيد الكلمه دي كتعبه نفسيا
Coca
ايوا فعلا والله انتي بتتكلمي مضبوط
وبجد نورتيني يا كوكا
شكرا لمرورك
وهبقه اشوف حكاية تأكيد الكلمه دي ان شاء الله
نورتيني
إرسال تعليق